dil pe jab wo nigah hoti hai

dil pe jab vo nigāh hotī hai

merī duniyā tabāh hotī hai

tū jo aatā hai yaad furqat meñ

kitnī mushkil se aah hotī hai

zindagī ishq meñ ḳhudā jaane

bantī hai yā tabāh hotī hai

ab to iḳhfā-e-dard kī koshish

haa.e majbūr-e-āh hotī hai

husn jis se ki husn bantā hai

ishq kī vo nigāh hotī hai

jo uThe aur uTh ke rah jaa.e

vo nigah be-panāh hotī hai

jis kī lazzat se thī hayāt-e-alam

vo ḳhalish gāh-gāh hotī hai

pārsā.ī hai zindagī 'sāqib'

kyoñ ye sarf-e-gunāh hotī hai

dil pe jab wo nigah hoti hai

meri duniya tabah hoti hai

tu jo aata hai yaad furqat mein

kitni mushkil se aah hoti hai

zindagi ishq mein KHuda jaane

banti hai ya tabah hoti hai

ab to iKHfa-e-dard ki koshish

hae majbur-e-ah hoti hai

husn jis se ki husn banta hai

ishq ki wo nigah hoti hai

jo uThe aur uTh ke rah jae

wo nigah be-panah hoti hai

jis ki lazzat se thi hayat-e-alam

wo KHalish gah-gah hoti hai

parsai hai zindagi 'saqib'

kyon ye sarf-e-gunah hoti hai