dil phaDak jaega wo shoKH jo KHandan hoga

dil phaḌak jā.egā vo shoḳh jo ḳhandāñ hogā

apne ḳhirman ko na is barq se nuqsāñ hogā

sub.h-e-mahshar kā agar chaak garebāñ hogā

mere mātam meñ sar-e-hūr bhī uryāñ hogā

munkir-e-sajda-e-ādam ko pashemānī hai

vo na samjhā thā ki ye rutba-e-insāñ hogā

ḳhaak suljhegī tirī zulf mirī jānib se

kaun juz bād-e-sabā silsila-e-jumbāñ hogā

husn ke rashk se ho jā.eñge gul zard o safed

aur hī ālam-e-gul-hā-e-gulistāñ hogā

chashm-e-kāfir se tire hoñge musalmāñ kāfir

ḳham-e-abru se sanam gabr musalmāñ hogā

jab 'shu.ūr' us se kahā zaḳhm-e-jigar kaarī hai

kaj-adā.ī se vo yuuñ kahne lagā haañ hogā

dil phaDak jaega wo shoKH jo KHandan hoga

apne KHirman ko na is barq se nuqsan hoga

subh-e-mahshar ka agar chaak gareban hoga

mere matam mein sar-e-hur bhi uryan hoga

munkir-e-sajda-e-adam ko pashemani hai

wo na samjha tha ki ye rutba-e-insan hoga

KHak suljhegi teri zulf meri jaanib se

kaun juz baad-e-saba silsila-e-jumban hoga

husn ke rashk se ho jaenge gul zard o safed

aur hi aalam-e-gul-ha-e-gulistan hoga

chashm-e-kafir se tere honge musalman kafir

KHam-e-abru se sanam gabr musalman hoga

jab 'shuur' us se kaha zaKHm-e-jigar kari hai

kaj-adai se wo yun kahne laga han hoga