dil phir hai justuju mein pareshan bura hua

dil phir hai justujū meñ pareshāñ burā huā

mushkil nazar kī ho ga.ī āsāñ burā huā

achchhā huā yā dard kā darmāñ burā huā

honā kisī kā husn pe nāzāñ burā huā

taskīn mil rahī hai tasavvur se raat din

apnā rahā na koī nigahbāñ burā hai

machle hue shabāb ke āsār dekh kar

hushiyār ho gayā ġham-e-nādāñ burā huā

sach pūchhiye to husn ke har jalva-zār meñ

insāñ-farosh diin kā īmāñ burā huā

duniyā parakh chuke haiñ mahāsin hayāt ke

niyyat meñ farq aayā ki insāñ burā huā

bas aabrū kā mol hai jiine meñ jis tarah

ḳhushbū ga.ī ki rang-e-gulistāñ burā huā

āḳhir supurd-e-ḳhāk huā ḳhāksār bhī

miTTī meñ mil gayā tirā ehsāñ burā huā

samjhā thā jis ko ġhair kisī din nigāh ne

vo dard dil meñ ho gayā mehmāñ burā huā

ik ġham se jazb-e-'shād' ke dariyā utar ga.e

sāhil-navāz ho gayā tūfāñ burā huā

dil phir hai justuju mein pareshan bura hua

mushkil nazar ki ho gai aasan bura hua

achchha hua ya dard ka darman bura hua

hona kisi ka husn pe nazan bura hua

taskin mil rahi hai tasawwur se raat din

apna raha na koi nigahban bura hai

machle hue shabab ke aasar dekh kar

hushiyar ho gaya gham-e-nadan bura hua

sach puchhiye to husn ke har jalwa-zar mein

insan-farosh din ka iman bura hua

duniya parakh chuke hain mahasin hayat ke

niyyat mein farq aaya ki insan bura hua

bas aabru ka mol hai jine mein jis tarah

KHushbu gai ki rang-e-gulistan bura hua

aaKHir supurd-e-KHak hua KHaksar bhi

miTTi mein mil gaya tera ehsan bura hua

samjha tha jis ko ghair kisi din nigah ne

wo dard dil mein ho gaya mehman bura hua

ek gham se jazb-e-'shad' ke dariya utar gae

sahil-nawaz ho gaya tufan bura hua