dil sa paband-e-tahammul dusra koi nahin

dil sā pāband-e-tahammul dūsrā koī nahīñ

TūTtā rahtā hai shīsha aur sadā koī nahīñ

dil kī dhaḌkan rahnumā hai justujū-e-shauq meñ

ik sadā kānoñ meñ aatī hai patā koī nahīñ

kam ziyāda kā gila kyā apnā apnā zarf hai

bāda-ḳhvāro is meñ saaqī kī ḳhatā koī nahīñ

sajda-gāh-e-shauq thā un ke qadam kā har nishāñ

dekh lo naqsh-e-jabīñ ab naqsh-e-pā koī nahīñ

harf jitne husn ke haiñ utne hī haiñ ishq ke

palle donoñ dekhiye kam aur sivā koī nahīñ

ḳhāmushī hai ahl-e-ġhairat kī tarīq-e-arz-e-hāl

ye na samjheñ aap dil meñ mudda.ā koī nahīñ

Dar nahīñ 'navvāb' tūfāñ-ḳhez maujoñ kā mujhe

saath apne hai ḳhudā gar nā-ḳhudā koī nahīñ

dil sa paband-e-tahammul dusra koi nahin

TuTta rahta hai shisha aur sada koi nahin

dil ki dhaDkan rahnuma hai justuju-e-shauq mein

ek sada kanon mein aati hai pata koi nahin

kam ziyaada ka gila kya apna apna zarf hai

baada-KHwaro is mein saqi ki KHata koi nahin

sajda-gah-e-shauq tha un ke qadam ka har nishan

dekh lo naqsh-e-jabin ab naqsh-e-pa koi nahin

harf jitne husn ke hain utne hi hain ishq ke

palle donon dekhiye kam aur siwa koi nahin

KHamushi hai ahl-e-ghairat ki tariq-e-arz-e-haal

ye na samjhen aap dil mein muddaa koi nahin

Dar nahin 'nawwab' tufan-KHez maujon ka mujhe

sath apne hai KHuda gar na-KHuda koi nahin