dil se ab yun KHalish-e-marg nikali jae

dil se ab yuuñ ḳhalish-e-marg nikālī jaa.e

zindagī maut kī āġhosh meñ paalī jaa.e

Derā Daalā hai añdheroñ ne chaman meñ har-sū

kyoñ na ab aag nasheman meñ lagā lī jaa.e

baat dīvāne kī ik roz jahāñ samjhegā

hai abhī vaqt hañsī ḳhuub uḌā lī jaa.e

ham ne har daur meñ tablīġh-e-mohabbat kī hai

shauq se koī sī tārīḳh uThā lī jaa.e

ek aa.egā nazar batin-o-zāhir 'jarrār'

merī sīrat mirī sūrat se milā lī jaa.e

dil se ab yun KHalish-e-marg nikali jae

zindagi maut ki aaghosh mein pali jae

Dera Dala hai andheron ne chaman mein har-su

kyon na ab aag nasheman mein laga li jae

baat diwane ki ek roz jahan samjhega

hai abhi waqt hansi KHub uDa li jae

hum ne har daur mein tabligh-e-mohabbat ki hai

shauq se koi si tariKH uTha li jae

ek aaega nazar batin-o-zahir 'jarrar'

meri sirat meri surat se mila li jae