دل سے افرنگ ہو گیا ہوں میں
ہاں مگر تنگ ہو گیا ہوں میں
رنگ کوئی بھی اب نہیں چڑھتا
جب سے بے رنگ ہو گیا ہوں میں
فاصلے ہیں مری جبیں پہ نقش
میل کا سنگ ہو گیا ہوں میں
میری آنکھوں میں سب معانی دیکھ
مثل فرہنگ ہو گیا ہوں میں
اس کے سائے میں جذب رنگوں کو
دیکھ کر دنگ ہو گیا ہوں میں
غور سے دیکھتے ہو کیا اے دوست
اتنا بے ڈھنگ ہو گیا ہوں میں
خود کو پانے کی جستجو میں ایازؔ
بھیڑ کا انگ ہو گیا ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
