dil se afrang ho gaya hun main
dil se afrang ho gayā huuñ maiñ
haañ magar tang ho gayā huuñ maiñ
rang koī bhī ab nahīñ chaḌhtā
jab se be-rang ho gayā huuñ maiñ
fāsle haiñ mirī jabīñ pe naqsh
miil kā sang ho gayā huuñ maiñ
merī āñkhoñ meñ sab ma'ānī dekh
misl-e-farhang ho gayā huuñ maiñ
us ke saa.e meñ jazb rangoñ ko
dekh kar dang ho gayā huuñ maiñ
ġhaur se dekhte ho kyā ai dost
itnā be-Dhang ho gayā huuñ maiñ
ḳhud ko paane kī justujū meñ 'ayāz'
bhiiḌ kā ang ho gayā huuñ maiñ
dil se afrang ho gaya hun main
han magar tang ho gaya hun main
rang koi bhi ab nahin chaDhta
jab se be-rang ho gaya hun main
fasle hain meri jabin pe naqsh
mil ka sang ho gaya hun main
meri aankhon mein sab ma'ani dekh
misl-e-farhang ho gaya hun main
us ke sae mein jazb rangon ko
dekh kar dang ho gaya hun main
ghaur se dekhte ho kya ai dost
itna be-Dhang ho gaya hun main
KHud ko pane ki justuju mein 'ayaz'
bhiD ka ang ho gaya hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
