dil se dil ka rishta hoga

dil se dil kā rishta hogā

puurā jab ye sapnā hogā

har-sū nikhrā nikhrā hogā

bādal jab bhī barsā hogā

sāvan kī is rim-jhim meñ vo

sar se pā tak bhīgā hogā

aur to yaad nahīñ par ham ne

ishq meñ dhokā khāyā hogā

mujh ko chhoḌ ke jaane vaale

itnā to ye sochā hotā

tere ba.ad mirā kyā hogā

ba.ad meñ tū bhī royā hogā

ik dil hai bas merā apnā

par jaane kal kis kā hogā

ghar auroñ ke jalāne vaale

terā ghar bhī ujḌā hogā

saarī raat taḌap ke 'indar'

rote rote soyā hogā

dil se dil ka rishta hoga

pura jab ye sapna hoga

har-su nikhra nikhra hoga

baadal jab bhi barsa hoga

sawan ki is rim-jhim mein wo

sar se pa tak bhiga hoga

aur to yaad nahin par hum ne

ishq mein dhoka khaya hoga

mujh ko chhoD ke jaane wale

itna to ye socha hota

tere baad mera kya hoga

baad mein tu bhi roya hoga

ek dil hai bas mera apna

par jaane kal kis ka hoga

ghar auron ke jalane wale

tera ghar bhi ujDa hoga

sari raat taDap ke 'indar'

rote rote soya hoga