دل سے ہے دل کی بے کلی گویا
دل سے ہے دل کی بے کلی گویا
مدعا خود ہے مدعی گویا
آرزوئیں جو مٹ گئیں دل کی
بھری دنیا اجڑ گئی گویا
ہائے یہ طور دل یہ تیری نظر
ایک بجلی سی گر پڑی گویا
بن ترے چار سو ہے ویرانی
موت ہے زندگی مری گویا
اب وہ خود محو چارہ سازی ہیں
وجہ نازش ہے بیکسی گویا
کیا بہار آئی صحن گلشن میں
آگ سی دل میں لگ گئی گویا
وہ نگاہیں بدل گئیں جب سے
ساری دنیا بدل گئی گویا
عشرت عیش خواب گاہ عدم
موت ہے ایک نیند سی گویا
آئی طفلی شباب پر اے موجؔ
اب سمندر ہوئی ندی گویا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
