dil se hai dil ki be-kali goya

dil se hai dil kī be-kalī goyā

mudda.ā ḳhud hai mudda.ī goyā

ārzūeñ jo miT ga.iiñ dil kī

bharī duniyā ujaḌ ga.ī goyā

haa.e ye tūr-e-dil ye terī nazar

ek bijlī sī gir paḌī goyā

bin tire chaar sū hai vīrānī

maut hai zindagī mirī goyā

ab vo ḳhud mahv-e-chārasāzī haiñ

vaj.h-e-nāzish hai bekasī goyā

kyā bahār aa.ī sehn-e-gulshan meñ

aag sī dil meñ lag ga.ī goyā

vo nigāheñ badal ga.iiñ jab se

saarī duniyā badal ga.ī goyā

ishrat-e-aish ḳhvāb-gāh-e-adam

maut hai ek niiñd sī goyā

aa.ī tiflī shabāb par ai 'mauj'

ab samundar huī nadī goyā

dil se hai dil ki be-kali goya

muddaa KHud hai muddai goya

aarzuen jo miT gain dil ki

bhari duniya ujaD gai goya

hae ye tur-e-dil ye teri nazar

ek bijli si gir paDi goya

bin tere chaar su hai virani

maut hai zindagi meri goya

ab wo KHud mahw-e-chaarasazi hain

wajh-e-nazish hai bekasi goya

kya bahaar aai sehn-e-gulshan mein

aag si dil mein lag gai goya

wo nigahen badal gain jab se

sari duniya badal gai goya

ishrat-e-aish KHwab-gah-e-adam

maut hai ek nind si goya

aai tifli shabab par ai 'mauj'

ab samundar hui nadi goya