dil se iKHlas ghaTa lutf ghaTa pyar ghaTa

dil se iḳhlās ghaTā lutf ghaTā pyaar ghaTā

par na vo naaz tirā ai but-e-ayyār ghaTā

bevafā.ī se tirī apnī vafādārī se

dil ka.ī baar baḌhā aur ka.ī baar ghaTā

ḳhud-faroshī ko jo niklā vo azīz-e-ālam

narḳh-e-husn-e-mah-e-kan.āñ sar-e-bāzār ghaTā

ga.iiñ bhī aa.iiñ bhī barsīñ bhī ghaTā.eñ barsoñ

bārish-e-dīda-e-tar kā na kabhī taar ghaTā

'mushtarī' hijr kī shab umḌā hai tūfān-e-alam

taar bijlī nazar aate haiñ shab-e-tār ghaTā

dil se iKHlas ghaTa lutf ghaTa pyar ghaTa

par na wo naz tera ai but-e-ayyar ghaTa

bewafai se teri apni wafadari se

dil kai bar baDha aur kai bar ghaTa

KHud-faroshi ko jo nikla wo aziz-e-alam

narKH-e-husn-e-mah-e-kanan sar-e-bazar ghaTa

gain bhi aain bhi barsin bhi ghaTaen barson

barish-e-dida-e-tar ka na kabhi tar ghaTa

'mushtari' hijr ki shab umDa hai tufan-e-alam

tar bijli nazar aate hain shab-e-tar ghaTa