دل سے جب آہ نکل جائے گی
دل سے جب آہ نکل جائے گی
جاں بھی ہمراہ نکل جائے گی
دل میں کچھ بھی تو نہ رہ جائے گا
جب تری چاہ نکل جائے گی
ہم نے سمجھا تھا کہ کچھ برسوں میں
فصل جاں کاہ نکل جائے گی
پھر سبھی جوڑ کے سر بیٹھے ہیں
پھر کوئی راہ نکل جائے گی
تم سے ملنے کی بھی کوئی صورت
انشا اللہ نکل جائے گی
توڑ کر ساری فصیلیں راغبؔ
فکر آگاہ نکل جائے گی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
