dil se jis ko chahta hun kyun use ruswa karun

dil se jis ko chāhtā huuñ kyuuñ use rusvā karūñ

ye mirā sheva nahīñ maiñ ishq kā charchā karūñ

ehtiyātan is liye tanhā rahā kartā huuñ maiñ

yaad vo aa jaa.e to jī khol kar royā karūñ

ḳhat mirā paḌh kar sitamgar kyuuñ na hogā ashk-bār

aah kā le kar qalam jab dard ko inshā karūñ

tū chale hamrāh to rasta dikhā.ī de mujhe

kyuuñ abas parchhā.iyoñ ke ġhuul kā pīchhā karūñ

dil meñ ik ma.asūm sī ye aarzū bhī hai 'sahar'

vo muḳhātab mujh se ho aur maiñ use dekhā karūñ

dil se jis ko chahta hun kyun use ruswa karun

ye mera shewa nahin main ishq ka charcha karun

ehtiyatan is liye tanha raha karta hun main

yaad wo aa jae to ji khol kar roya karun

KHat mera paDh kar sitamgar kyun na hoga ashk-bar

aah ka le kar qalam jab dard ko insha karun

tu chale hamrah to rasta dikhai de mujhe

kyun abas parchhaiyon ke ghul ka pichha karun

dil mein ek masum si ye aarzu bhi hai 'sahar'

wo muKHatab mujh se ho aur main use dekha karun