dil se taat teri nahin hoti

dil se taa.at tirī nahīñ hotī

ham se ab bandagī nahīñ hotī

aisī kuchh be-dilī sī 'ġhālib' hai

ki tirī yaad bhī nahīñ hotī

dil na jab tak ho ek sho.ala-e-ishq

zindagī zindagī nahīñ hotī

haif vo jas se shiddat-e-ġham meñ

ḳhvāhish-e-marg bhī nahīñ hotī

raas aatī nahīñ koī tadbīr

yās-e-jāved bhī nahīñ hotī

zabt-e-ġham bhī muhāl hai ham se

aur fariyād bhī nahīñ hotī

dil-parastī ḳhudā-parastī hai

ḳhud-parastī ḳhudī nahīñ hotī

al-hazar tishnagi-e-ishq 'jigar'

haa.e taskīn hī nahīñ hotī

dil se taat teri nahin hoti

hum se ab bandagi nahin hoti

aisi kuchh be-dili si 'ghaalib' hai

ki teri yaad bhi nahin hoti

dil na jab tak ho ek shoala-e-ishq

zindagi zindagi nahin hoti

haif wo jas se shiddat-e-gham mein

KHwahish-e-marg bhi nahin hoti

ras aati nahin koi tadbir

yas-e-jawed bhi nahin hoti

zabt-e-gham bhi muhaal hai hum se

aur fariyaad bhi nahin hoti

dil-parasti KHuda-parasti hai

KHud-parasti KHudi nahin hoti

al-hazar tishnagi-e-ishq 'jigar'

hae taskin hi nahin hoti