dil se tumhaari yaad guzara karunga main

dil se tumhārī yaad guzārā karūñgā maiñ

tanhā.ī meñ bhī tum ko pukārā karūñgā maiñ

jo ashk hijr-e-yār ne baḳhshā hai aañkh ko

kuchh din meñ us ko apnā sitāra karūñgā maiñ

tab dekhnā falak kā badaltā huā mizāj

jab chāñd ko zamīñ se ishārā karūñgā maiñ

kyoñ saañs band hoñge mire mere hukm se

kyoñ bahr-e-zindagī se kināra karūñgā maiñ

maiñ rāh-e-fikr-o-fan se diyā le ke 'ilm kā

guzrā karūñgā ḳhud ko guzārā karūñgā maiñ

ab mujh pe asl haar kā matlab khulā hai dost

is khel meñ to jaan ke haarā karūñgā maiñ

ḳhalq-e-ḳhudā sañvār sake taaki ḳhadd-o-ḳhāl

'zahrāb' aa.ine ko sañvārā karūñgā maiñ

dil se tumhaari yaad guzara karunga main

tanhai mein bhi tum ko pukara karunga main

jo ashk hijr-e-yar ne baKHsha hai aankh ko

kuchh din mein us ko apna sitara karunga main

tab dekhna falak ka badalta hua mizaj

jab chand ko zamin se ishaara karunga main

kyon sans band honge mere mere hukm se

kyon bahr-e-zindagi se kinara karunga main

main rah-e-fikr-o-fan se diya le ke 'ilm ka

guzra karunga KHud ko guzara karunga main

ab mujh pe asl haar ka matlab khula hai dost

is khel mein to jaan ke haara karunga main

KHalq-e-KHuda sanwar sake taki KHadd-o-KHal

'zahrab' aaine ko sanwara karunga main