dil soz-e-gham se jalta hai lab par fughan nahin

dil soz-e-ġham se jaltā hai lab par fuġhāñ nahīñ

ye aag bhī na.ī hai ki jis meñ dhuāñ nahīñ

dil meñ vo zabt-e-ġham hai ki lab par fuġhāñ nahīñ

muñh meñ hai vo zabān ki goyā zabāñ nahīñ

allah-re be-ḳhudī ki mujhe ḳhud shab-e-firāq

khultā nahīñ ki dard kahāñ hai kahāñ nahīñ

par bāñdhne se fā.eda fasl-e-bahār meñ

sayyād ye qafas hai mirā āshiyāñ nahīñ

urdu zabāñ kā lutf gayā saath 'dāġh' ke

'mahmūd' ab vo rang vo tarz-e-bayāñ nahīñ

dil soz-e-gham se jalta hai lab par fughan nahin

ye aag bhi nai hai ki jis mein dhuan nahin

dil mein wo zabt-e-gham hai ki lab par fughan nahin

munh mein hai wo zaban ki goya zaban nahin

allah-re be-KHudi ki mujhe KHud shab-e-firaq

khulta nahin ki dard kahan hai kahan nahin

par bandhne se faeda fasl-e-bahaar mein

sayyaad ye qafas hai mera aashiyan nahin

urdu zaban ka lutf gaya sath 'dagh' ke

'mahmud' ab wo rang wo tarz-e-bayan nahin