dil tang us mein ranj-o-alam shor-o-shar hon jama

dil tañg us meñ rañj-o-alam shor-o-shar hoñ jam.a

chain aa.e ḳhaak ghar meñ jab itne zarar hoñ jam.a

dil meñ jo farq Daal diyā hai raqīb ne

ho jaa.e bar-taraf kahīñ ham tum agar hoñ jam.a

jis ne kiyā hai qatl vahī aa.e na.ash par

kyā fā.eda hai yuuñ jo hazāroñ bashar hoñ jam.a

aa.e na kaam ek bhī be-yārī-e-nasīb

go zaat meñ kisī ke hazāroñ hunar hoñ jam.a

jaatā hai yaar māñgeñ nishānī to kis tarah

apne kahīñ havās bhī vaqt-e-safar hoñ jam.a

likkhī ġhazal to ḳhuub magar ye zarūr hai

paḌhnā tab is ko 'sehr' jab ahl-e-hunar hoñ jam.a

dil tang us mein ranj-o-alam shor-o-shar hon jama

chain aae KHak ghar mein jab itne zarar hon jama

dil mein jo farq Dal diya hai raqib ne

ho jae bar-taraf kahin hum tum agar hon jama

jis ne kiya hai qatl wahi aae nash par

kya faeda hai yun jo hazaron bashar hon jama

aae na kaam ek bhi be-yari-e-nasib

go zat mein kisi ke hazaron hunar hon jama

jata hai yar mangen nishani to kis tarah

apne kahin hawas bhi waqt-e-safar hon jama

likkhi ghazal to KHub magar ye zarur hai

paDhna tab is ko 'sehr' jab ahl-e-hunar hon jama