dil tha be-kaif mohabbat ki KHata se pahle

dil thā be-kaif mohabbat kī ḳhatā se pahle

lutf aisā nahīñ aayā thā sazā se pahle

haa.e andāz-e-mohabbat bhī 'ajab thā un kā

kar rahe the vo jafā mujh pe vafā se pahle

kis qadar terī du'āoñ meñ asar thā ai dost

ho gayā huuñ maiñ sehat-yāb davā se pahle

kyā batā.ūñ tujhe hamdam ki thā abtar kitnā

haal merā tire dāman kī havā se pahle

baat ye merī zarā ġhaur se sun lo 'dānish'

kaam karnā na koī nām-e-ḳhudā se pahle

dil tha be-kaif mohabbat ki KHata se pahle

lutf aisa nahin aaya tha saza se pahle

hae andaz-e-mohabbat bhi 'ajab tha un ka

kar rahe the wo jafa mujh pe wafa se pahle

kis qadar teri du'aon mein asar tha ai dost

ho gaya hun main sehat-yab dawa se pahle

kya bataun tujhe hamdam ki tha abtar kitna

haal mera tere daman ki hawa se pahle

baat ye meri zara ghaur se sun lo 'danish'

kaam karna na koi nam-e-KHuda se pahle