dil tha hamara sone jaisa ab tumko jatlayen kya

dil thā hamārā sone jaisā ab tum ko jatlāyeñ kyā

ulfat meñ kyā dukh jhele haiñ ham ne ye batlā.eñ kyā

ab ke baras bhī sāvan barsā vaisā hī kuchh pāgal sā

kaalī ghaTā.eñ kaise uTThīñ saarā kuchh batlā.eñ kyā

gulshan meñ hai phir vo bahārāñ jis ke tum shaidā.ī the

chashm-e-tasavvur se hī dekho lafzoñ meñ dikhlā.eñ kyā

dil kī zid to dekho kyā anhonī bāteñ kartā hai

shām-o-sahar kī Doreñ chhūTīñ ab is ko bahlā.eñ kyā

ziist ibārat hai ik aisī paḌh na sakoge jaane do

lafz ke dīpak jo haiñ raushan ham un ko gahnā.eñ kyā

dil tha hamara sone jaisa ab tum ko jatlayen kya

ulfat mein kya dukh jhele hain hum ne ye batlaen kya

ab ke baras bhi sawan barsa waisa hi kuchh pagal sa

kali ghaTaen kaise uTThin sara kuchh batlaen kya

gulshan mein hai phir wo bahaaran jis ke tum shaidai the

chashm-e-tasawwur se hi dekho lafzon mein dikhlaen kya

dil ki zid to dekho kya anhoni baaten karta hai

sham-o-sahar ki Doren chhuTin ab is ko bahlaen kya

zist ibarat hai ek aisi paDh na sakoge jaane do

lafz ke dipak jo hain raushan hum un ko gahnaen kya