dil toDne wale nahin saffak nahin hum

dil toḌne vaale nahīñ saffāk nahīñ ham

ham jaise zarā dosto chālāk nahīñ ham

ham ḳhuub samajhte haiñ ishāroñ ko tumhāre

maanā ki koī sāhib-e-idrāk nahīñ ham

ham dil kī koī baat zabāñ se nahīñ kahte

itne to abhī yaar se bebāk nahīñ ham

baiTheñge bhalā saath meñ ham aap ke kaise

jab aap ke qadmoñ kī yahāñ ḳhaak nahīñ ham

Dūbeñge yaqīnan isī gahrā.ī meñ ik din

hai sab ko pata ḳhuub ki tairāk nahīñ ham

dil toDne wale nahin saffak nahin hum

hum jaise zara dosto chaalak nahin hum

hum KHub samajhte hain ishaaron ko tumhaare

mana ki koi sahib-e-idrak nahin hum

hum dil ki koi baat zaban se nahin kahte

itne to abhi yar se bebak nahin hum

baiThenge bhala sath mein hum aap ke kaise

jab aap ke qadmon ki yahan KHak nahin hum

Dubenge yaqinan isi gahrai mein ek din

hai sab ko pata KHub ki tairak nahin hum