dil unki mohabbat ka jo diwana lage hai

dil un kī mohabbat kā jo dīvāna lage hai

ye aisī haqīqat hai jo afsāna lage hai

aalam na koī pūchhe mirī vahshat-e-dil kā

ghar apne agar jā.ūñ to vīrāna lage hai

baḌhte nahīñ kyuuñ mere qadam aage kī jānib

nazdīk hī shāyad dar-e-jānāna lage hai

vaise to kisī ne mujhe aisā nahīñ jaanā

dīvāna kahā tum ne to dīvāna lage hai

rūdād-e-alam un se jo qāsid ne bayāñ kī

farmāne lage hañs ke ye afsāna lage hai

maiñ ne to banā.ī thī faqat aap kī tasvīr

dil merā magar aaj sanam-ḳhāna lage hai

ab apnā bhī begāna nazar aatā hai 'vasfī'

begāna to begāna hai begāna lage hai

dil un ki mohabbat ka jo diwana lage hai

ye aisi haqiqat hai jo afsana lage hai

aalam na koi puchhe meri wahshat-e-dil ka

ghar apne agar jaun to virana lage hai

baDhte nahin kyun mere qadam aage ki jaanib

nazdik hi shayad dar-e-jaanana lage hai

waise to kisi ne mujhe aisa nahin jaana

diwana kaha tum ne to diwana lage hai

rudad-e-alam un se jo qasid ne bayan ki

farmane lage hans ke ye afsana lage hai

main ne to banai thi faqat aap ki taswir

dil mera magar aaj sanam-KHana lage hai

ab apna bhi begana nazar aata hai 'wasfi'

begana to begana hai begana lage hai