dil ye kahta hai ki milne ki koi baat kare

dil ye kahtā hai ki milne kī koī baat kare

koī to aa.e jo tajdīd-e-mulāqāt kare

hai bahut tīra-sifat chādar-e-ḳhurshīd yahāñ

din ko āġhosh meñ bhar le to use raat kare

yaad hai harf-e-duā bahr-e-munājāt magar

roz-o-shab us ke liye kaun munājāt kare

us ke jaane pe to ḳhāmosh rahegī ye zabāñ

dil kā mālūm nahīñ kitne savālāt kare

rashk aatā hai bahut us kī mahārat pe mujhe

merī har jiit ko vo shoḳh-adā maat kare

ḳhvāb ta.abīr-e-haqīqat meñ badal jaa.e agar

shab-gazīda hī sahī phir bhī karāmāt kare

har kiran kitnī siyah-baḳht nazar aane lage

tīrgī jab bhī kabhī raushnī kī baat kare

roz kartā hai vo ġhairoñ se mulāqāt abas

us se kah do ki vo ab ḳhud se mulāqāt kare

mai-kada achchhā subū achchhe magar phir bhī 'shakīl'

zindagī kaise koī nazr-e-ḳharābāt kare

dil ye kahta hai ki milne ki koi baat kare

koi to aae jo tajdid-e-mulaqat kare

hai bahut tira-sifat chadar-e-KHurshid yahan

din ko aaghosh mein bhar le to use raat kare

yaad hai harf-e-dua bahr-e-munajat magar

roz-o-shab us ke liye kaun munajat kare

us ke jaane pe to KHamosh rahegi ye zaban

dil ka malum nahin kitne sawalat kare

rashk aata hai bahut us ki mahaarat pe mujhe

meri har jit ko wo shoKH-ada mat kare

KHwab tabir-e-haqiqat mein badal jae agar

shab-gazida hi sahi phir bhi karamat kare

har kiran kitni siyah-baKHt nazar aane lage

tirgi jab bhi kabhi raushni ki baat kare

roz karta hai wo ghairon se mulaqat abas

us se kah do ki wo ab KHud se mulaqat kare

mai-kada achchha subu achchhe magar phir bhi 'shakil'

zindagi kaise koi nazr-e-KHarabaat kare