dila nahin ye mai-e-surKH-fam shishe mein

dilā nahīñ ye mai-e-surḳh-fām shīshe meñ

bharā hai shīsha-e-jāñ kā qavām shīshe meñ

jo duuñ sharāb ko āb-e-hayāt se tashbīh

to utreñ ḳhizr alaihis-salām shīshe meñ

ḳhayāl dil meñ hai saaqī kī chashm-e-mai-gūñ kā

sharāb jaam meñ hai aur jaam shīshe meñ

shigāf-e-dil meñ bharā marham-e-mai-e-añgūr

kiyā hai kyā hī karāmat kā kaam shīshe meñ

maiñ ḳharq-e-ādat-e-pīr-e-muġhāñ kā qaa.el huuñ

ki ba.ad-e-ḳharq kiyā iltiyām shīshe meñ

khulā jo bazm meñ miinā to chāñdnī chhiTkī

ye duḳhtar-e-raz hai ki māh-e-tamām shīshe meñ

'mazāq' miltī hai in rozoñ vaqt-e-shām sharāb

rakhe hai duḳhtar-e-raz ko siyām shīshe meñ

dila nahin ye mai-e-surKH-fam shishe mein

bhara hai shisha-e-jaan ka qawam shishe mein

jo dun sharab ko aab-e-hayat se tashbih

to utren KHizr alaihis-salam shishe mein

KHayal dil mein hai saqi ki chashm-e-mai-gun ka

sharab jam mein hai aur jam shishe mein

shigaf-e-dil mein bhara marham-e-mai-e-angur

kiya hai kya hi karamat ka kaam shishe mein

main KHarq-e-adat-e-pir-e-mughan ka qael hun

ki baad-e-KHarq kiya iltiyam shishe mein

khula jo bazm mein mina to chandni chhiTki

ye duKHtar-e-raz hai ki mah-e-tamam shishe mein

'mazaq' milti hai in rozon waqt-e-sham sharab

rakhe hai duKHtar-e-raz ko siyam shishe mein