dilbar-e-be-bak sun KHub nahin bolna
dilbar-e-be-bāk suuñ ḳhuub nahīñ bolnā
shoḳh sitam-nāk suuñ ḳhuub nahīñ bolnā
dast meñ ḳhanjar pakaḌ niklā hai vo ġhussa-var
haath ke chālāk suuñ ḳhuub nahīñ bolnā
abtar-e-ḳhūñ-rez hai qatl upar tez hai
zālim-o-saffāk suuñ ḳhuub nahīñ bolnā
us kī jafā siiñ tamām jag meñ paḌī dhūm-dhām
ham jam-o-zahhāk suuñ ḳhuub nahīñ bolnā
mujh se raqīb-o-la.īñ jiiv meñ rakhtā hai kiiñ
us sag-e-nāpāk suuñ ḳhuub nahīñ bolnā
bul-havas-e-zisht-rū kartā hai nit guftugū
mard be-idrāk suuñ ḳhuub nahīñ bolnā
misra-e-matl.a sadā vird kare 'mubtalā'
dilbar-e-be-bāk suuñ ḳhuub nahīñ bolnā
dilbar-e-be-bak sun KHub nahin bolna
shoKH sitam-nak sun KHub nahin bolna
dast mein KHanjar pakaD nikla hai wo ghussa-war
hath ke chaalak sun KHub nahin bolna
abtar-e-KHun-rez hai qatl upar tez hai
zalim-o-saffak sun KHub nahin bolna
us ki jafa sin tamam jag mein paDi dhum-dham
hum jam-o-zahhak sun KHub nahin bolna
mujh se raqib-o-lain jiw mein rakhta hai kin
us sag-e-napak sun KHub nahin bolna
bul-hawas-e-zisht-ru karta hai nit guftugu
mard be-idrak sun KHub nahin bolna
misra-e-matla sada wird kare 'mubtala'
dilbar-e-be-bak sun KHub nahin bolna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
