dilbar ho dilruba ho zamana gawah hai

dilbar ho dilrubā ho zamāna gavāh hai

tum phir bhī bevafā ho zamāna gavāh hai

shabnam ho gul ho nik.hat-o-naġhma ho bā-ḳhudā

tāham sharar-navā ho zamāna gavāh hai

āhang-e-dil kī baat na samjhoge tum kabhī

ik sāz-e-be-sadā ho zamāna gavāh hai

ham to haiñ janm janm se ā.īna-āshnā

tum sang-āshnā ho zamāna gavāh hai

ye shām-e-ġham ye karb ye tanhā.iyāñ mirī

har shai ke tum ḳhudā ho zamāna gavāh hai

har fikr merī ek ġhazal hai ġhazal ke tum

ik tang qāfiya ho zamāna gavāh hai

ilzām tum par aa.egā hogī jo ġharq-e-āb

kashtī ke nāḳhudā ho zamāna gavāh hai

dilbar ho dilruba ho zamana gawah hai

tum phir bhi bewafa ho zamana gawah hai

shabnam ho gul ho nikhat-o-naghma ho ba-KHuda

taham sharar-nawa ho zamana gawah hai

aahang-e-dil ki baat na samjhoge tum kabhi

ek saz-e-be-sada ho zamana gawah hai

hum to hain janm janm se aaina-ashna

tum sang-ashna ho zamana gawah hai

ye sham-e-gham ye karb ye tanhaiyan meri

har shai ke tum KHuda ho zamana gawah hai

har fikr meri ek ghazal hai ghazal ke tum

ek tang qafiya ho zamana gawah hai

ilzam tum par aaega hogi jo gharq-e-ab

kashti ke naKHuda ho zamana gawah hai