dilbar ka kya gila koi gham-KHwar bhi nahin

dilbar kā kyā gila koī ġham-ḳhvār bhī nahīñ

pahlū meñ aaj to dil-e-bīmār bhī nahīñ

marnā vo jis ko hīla-o-āzār bhī nahīñ

qātil vo jis ke haath meñ talvār bhī nahīñ

taskīn-e-dil muhāl hai hālat kahe baġhair

is par sitam ki tāqat-e-guftār bhī nahīñ

mahv-e-jamāl ho ke marūñ aarzū ye hai

hālat ye hai ki tāqat-e-dīdār bhī nahīñ

allah re e'tibār adā-o-nigāh par

maqtal meñ aa.e haath meñ talvār bhī nahīñ

dilbar ka kya gila koi gham-KHwar bhi nahin

pahlu mein aaj to dil-e-bimar bhi nahin

marna wo jis ko hila-o-azar bhi nahin

qatil wo jis ke hath mein talwar bhi nahin

taskin-e-dil muhaal hai haalat kahe baghair

is par sitam ki taqat-e-guftar bhi nahin

mahw-e-jamal ho ke marun aarzu ye hai

haalat ye hai ki taqat-e-didar bhi nahin

allah re e'tibar ada-o-nigah par

maqtal mein aae hath mein talwar bhi nahin