dilbari har bul-hawas ki had sin afzun mat karo

dilbarī har bul-havas kī had siiñ afzūñ mat karo

muflis-e-be-qadr kuuñ yak-pal meñ qārūñ mat karo

mat chaḌhāo āstīñ tum qatl karne par mire

apne dāman kuuñ abas ālūda-e-ḳhūñ mat karo

mehrbānī kī tarah pahlī na bhūlo yak-ba-yak

bait-e-abrū kuuñ tum apnī taaza mazmūñ mat karo

lazzat-e-mastī agar dil kuuñ tumhāre hai aziiz

jab talak dīvāna hue tab lag falātūñ mat karo

apne āshiq kuuñ dikhāo jalva-e-īmāñ-fareb

aql kī rakhtā hai bū zāhid kuuñ majnūñ mat karo

kar diye haiñ āshiqoñ ne ḳhuun apne kuuñ sabīl

panja-e-nāzuk kuuñ mehñdī laala gulgūñ mat karo

chhoḌ diyo tā-ātish-e-hasrat meñ jal kar ḳhaak ho.e

lāsha-e-āshiq kuuñ marne ba.ad madfūñ mat karo

āshiqoñ kuuñ is do-bālā kaif kī bardāsht na.iiñ

ḳhat kī sabzī lab kī shakkar saath ma.ajūñ mat karo

ḳhud-baḳhud be-ḳhud huā hai dekh kar tum kuuñ 'sirāj'

is qadar nāz-o-adā kā sehr-o-jādū mat karo

dilbari har bul-hawas ki had sin afzun mat karo

muflis-e-be-qadr kun yak-pal mein qarun mat karo

mat chaDhao aastin tum qatl karne par mere

apne daman kun abas aaluda-e-KHun mat karo

mehrbani ki tarah pahli na bhulo yak-ba-yak

bait-e-abru kun tum apni taza mazmun mat karo

lazzat-e-masti agar dil kun tumhaare hai aziz

jab talak diwana hue tab lag falatun mat karo

apne aashiq kun dikhao jalwa-e-iman-fareb

aql ki rakhta hai bu zahid kun majnun mat karo

kar diye hain aashiqon ne KHun apne kun sabil

panja-e-nazuk kun mehndi lala gulgun mat karo

chhoD diyo ta-atish-e-hasrat mein jal kar KHak hoe

lasha-e-ashiq kun marne baad madfun mat karo

aashiqon kun is do-baala kaif ki bardasht nain

KHat ki sabzi lab ki shakkar sath majun mat karo

KHud-baKHud be-KHud hua hai dekh kar tum kun 'siraj'

is qadar naz-o-ada ka sehr-o-jadu mat karo