dildar dil is tarah baham aae nazar mein

dildār dil is tarah baham aa.e nazar meñ

jis tarah guhar aab meñ aur aab guhar meñ

ik baar bhī dekhā na use paas se jā kar

aayā hī nazar vo to kahīñ rāhguzar meñ

har-chand ki hai shām-o-sahar vo hī par us bin

vo lutf na ab shaam meñ hai aur na sahar meñ

qismat se madad chāhtā huuñ itnī ki har vaqt

mānind-e-sabā saath rahūñ us ke safar meñ

ik baar to naale kī ho ruḳhsat hameñ sayyād

pinhāñ rakheñ ham kab ta.iiñ fariyād jigar meñ

hosh-o-ḳhirad-o-sabr-o-tavāñ uTh chale ik ek

jaate hī tire chaal paḌī dil ke nagar meñ

kīdhar ko nikal jāveñ 'hasan' kyā kareñ ham aah

bāhar hī ye dil apnā na lagtā hai na ghar meñ

dildar dil is tarah baham aae nazar mein

jis tarah guhar aab mein aur aab guhar mein

ek bar bhi dekha na use pas se ja kar

aaya hi nazar wo to kahin rahguzar mein

har-chand ki hai sham-o-sahar wo hi par us bin

wo lutf na ab sham mein hai aur na sahar mein

qismat se madad chahta hun itni ki har waqt

manind-e-saba sath rahun us ke safar mein

ek bar to nale ki ho ruKHsat hamein sayyaad

pinhan rakhen hum kab tain fariyaad jigar mein

hosh-o-KHirad-o-sabr-o-tawan uTh chale ek ek

jate hi tere chaal paDi dil ke nagar mein

kidhar ko nikal jawen 'hasan' kya karen hum aah

bahar hi ye dil apna na lagta hai na ghar mein