dildar ki kashish ne aincha hai man hamara

dildār kī kashish ne aiñchā hai man hamārā

hai ḳhaak is qadam kī shāyad vatan hamārā

ai dostān-e-jānī dil siiñ karo tavajjoh

tā-jān paas apne pahuñche badan hamārā

gar zindagī hai baaqī phir tum siiñ aa mileñge

dīdār āḳhirī hai jo hai maran hamārā

daryā-e-mudda.ā kā laa.e haiñ thaah jab siiñ

har buuñd ashk kā hai durr-e-adan hamārā

darkār nahīñ hai pahreñ bar meñ qabā-e-zīnat

ye bas hai ḳhāksārī ḳhākī baran hamārā

sab chhoḌ ḳhānumā kuuñ haiñ us kī justujū meñ

hai dasht aur bayābāñ bāġh-o-chaman hamārā

mānind-e-kohkan hai be-kal 'sirāj' kā dil

shāyad ki maan leve shīrīñ-suḳhan hamārā

dildar ki kashish ne aincha hai man hamara

hai KHak is qadam ki shayad watan hamara

ai dostan-e-jaani dil sin karo tawajjoh

ta-jaan pas apne pahunche badan hamara

gar zindagi hai baqi phir tum sin aa milenge

didar aaKHiri hai jo hai maran hamara

darya-e-muddaa ka lae hain thah jab sin

har bund ashk ka hai durr-e-adan hamara

darkar nahin hai pahren bar mein qaba-e-zinat

ye bas hai KHaksari KHaki baran hamara

sab chhoD KHanuma kun hain us ki justuju mein

hai dasht aur bayaban bagh-o-chaman hamara

manind-e-kohkan hai be-kal 'siraj' ka dil

shayad ki man lewe shirin-suKHan hamara