dilon ka haal wo be-etibar kya jaane

diloñ kā haal vo be-e'tibār kyā jaane

jise na pyaar milā ho vo pyaar kyā jaane

adā se aa.ī chaman meñ adā se lauT ga.ī

guloñ pe biit ga.ī kyā bahār kyā jaane

na koī ḳhvāb hai āñkhoñ meñ aur na be-ḳhvābī

kahāñ rukī hai shab-e-intizār kyā jaane

use bhulā.e hue muddateñ huiiñ lekin

ye kaun chhūtā hai dil baar baar kyā jaane

phir ek baar chalo us galī meñ ho aa.eñ

vo mil hī jaa.e sar-e-rahguzār kyā jaane

dilon ka haal wo be-e'tibar kya jaane

jise na pyar mila ho wo pyar kya jaane

ada se aai chaman mein ada se lauT gai

gulon pe bit gai kya bahaar kya jaane

na koi KHwab hai aankhon mein aur na be-KHwabi

kahan ruki hai shab-e-intizar kya jaane

use bhulae hue muddaten huin lekin

ye kaun chhuta hai dil bar bar kya jaane

phir ek bar chalo us gali mein ho aaen

wo mil hi jae sar-e-rahguzar kya jaane