dilon mein midhat-e-rahman hum bhi rakhte hain

diloñ meñ mid.hat-e-rahmān ham bhī rakhte haiñ

vaqār-e-azmat-e-qur.ān ham bhī rakhte haiñ

shu.ūr-o-fikr to har aan ham bhī rakhte haiñ

bure-bhale kī to pahchān ham bhī rakhte haiñ

kaho na murda hameñ jaan ham bhī rakhte haiñ

ragoñ meñ ḳhuun kā daurān ham bhī rakhte haiñ

hameñ banāyā gayā hai sadāqatoñ kā amiiñ

diloñ meñ jazba-e-īmān ham bhī rakhte haiñ

tum apne zulm ko roko na ham se Takrāo

vagarna quvvat-e-sultān ham bhī rakhte haiñ

kisī bhī zarb se hargiz ḳhatā nahīñ hoñge

saroñ meñ apne vo ausān ham bhī rakhte haiñ

kisī ke saath kam-o-besh kā amal na karo

nazar ke sāmne mīzān ham bhī rakhte haiñ

bas ek tum hī nahīñ 'yās' haq-parastoñ meñ

ḳhudā kī zaat pe īmān ham bhī rakhte haiñ

dilon mein midhat-e-rahman hum bhi rakhte hain

waqar-e-azmat-e-quran hum bhi rakhte hain

shuur-o-fikr to har aan hum bhi rakhte hain

bure-bhale ki to pahchan hum bhi rakhte hain

kaho na murda hamein jaan hum bhi rakhte hain

ragon mein KHun ka dauran hum bhi rakhte hain

hamein banaya gaya hai sadaqaton ka amin

dilon mein jazba-e-iman hum bhi rakhte hain

tum apne zulm ko roko na hum se Takrao

wagarna quwwat-e-sultan hum bhi rakhte hain

kisi bhi zarb se hargiz KHata nahin honge

saron mein apne wo ausan hum bhi rakhte hain

kisi ke sath kam-o-besh ka amal na karo

nazar ke samne mizan hum bhi rakhte hain

bas ek tum hi nahin 'yas' haq-paraston mein

KHuda ki zat pe iman hum bhi rakhte hain