dilon mein mohabbat ki mahshar-taraazi

diloñ meñ mohabbat kī mahshar-tarāzī

nazar se nazar kī magar be-niyāzī

bahut Thokareñ rāh-e-ulfat meñ khā.īñ

magar shauq kī hai vahī hīla-sāzī

na rakhtā zamāne se koī ta.alluq

ḳhushā ḳhud-farebī zahe be-niyāzī

rahe mutma.in ho ke pāmāl-e-ulfat

kuchh aisā thā afsūn-e-banda-navāzī

ye kis ko ḳhabar thī ki jān-e-tamannā

hai ma.asūm nazroñ meñ fitna-tarāzī

ubhar aa.e kuchh aur taare jabīñ par

mire ashk-e-ġham ko milī sarfarāzī

satātī nahīñ fikr-e-manzil-rasī ab

ki raas aa ga.ī hai safar kī darāzī

ḳhatāoñ pe hai harf-gīrī ki vaa.iz

nahīñ vāqif-e-shān-e-banda-navāzī

dilon mein mohabbat ki mahshar-taraazi

nazar se nazar ki magar be-niyazi

bahut Thokaren rah-e-ulfat mein khain

magar shauq ki hai wahi hila-sazi

na rakhta zamane se koi talluq

KHusha KHud-farebi zahe be-niyazi

rahe mutmain ho ke pamal-e-ulfat

kuchh aisa tha afsun-e-banda-nawazi

ye kis ko KHabar thi ki jaan-e-tamanna

hai masum nazron mein fitna-taraazi

ubhar aae kuchh aur tare jabin par

mere ashk-e-gham ko mili sarfaraazi

satati nahin fikr-e-manzil-rasi ab

ki ras aa gai hai safar ki daraazi

KHataon pe hai harf-giri ki waiz

nahin waqif-e-shan-e-banda-nawazi