dilon mein rahiye jahan ke wale KHuda ke Dhab

diloñ meñ rahiye jahāñ ke vale ḳhudā ke Dhab

ki ho jahāñ pe na zāhir ye hai mirā maz.hab

mujhe ġharaz nahīñ juz ye ki yaar naala se

asar jalāve hai juuñ dūd-e-shola yā-rab

kahā maiñ raat patañgoñ ko sham.a ke aage

giro ho aañkh meñ ma.ashūq kī ye kyā hai adab

to kahne laage ai 'uzlat' mire se ishq ke na.iiñ

nazar meñ pās-e-adab ham ko jalnā hai matlab

hamārī rākheñ jo le jā sabā so ho kar sub.h

jaleñ haiñ shola-ḳhurshīd par ye dekh ta.ab

jalse hai raakh kahīñ ishq kā hai ye e.ajāz

ajab ye cash hai naam halāk yahāñ hai tarab

kahā maiñ tum kuuñ hai rāhat kī sa.ī jalnā jald

ġhamoñ se chhūTnā aur shohrat us se hai matlab

asar hai ishq kā tum se ziyāda sham.a ke biich

ki umr us kī ka.ī jalte so bhī jāñ-bar-lab

dilon mein rahiye jahan ke wale KHuda ke Dhab

ki ho jahan pe na zahir ye hai mera mazhab

mujhe gharaz nahin juz ye ki yar nala se

asar jalawe hai jun dud-e-shola ya-rab

kaha main raat patangon ko shama ke aage

giro ho aankh mein mashuq ki ye kya hai adab

to kahne lage ai 'uzlat' mere se ishq ke nain

nazar mein pas-e-adab hum ko jalna hai matlab

hamari rakhen jo le ja saba so ho kar subh

jalen hain shola-KHurshid par ye dekh tab

jalse hai rakh kahin ishq ka hai ye eajaz

ajab ye cash hai nam halak yahan hai tarab

kaha main tum kun hai rahat ki sai jalna jald

ghamon se chhuTna aur shohrat us se hai matlab

asar hai ishq ka tum se ziyaada shama ke bich

ki umr us ki kai jalte so bhi jaan-bar-lab