dilon mein yun to lakhon gham nihan hain

diloñ meñ yuuñ to lākhoñ ġham nihāñ haiñ

magar chehre hamāre shādmāñ haiñ

jahāñ chhoḌā hai mujh ko rahbaroñ ne

vahāñ har kaam par tārīkiyāñ haiñ

inhī se hāl-e-dil paḌh lo hamārā

ki in āñkhoñ kī bhī apnī zabāñ haiñ

use mumkin nahīñ maiñ bhuul jā.ūñ

ki jis kā ġham mire dil meñ nihāñ hai

hameñ badnām har sū kar rahā hai

agarche vo hamārā rāz-dāñ haiñ

jise ḳhud se ziyāda chāhtā thā

vahī ek dost mujh se bad-gumāñ haiñ

hameñ 'rizvān' manzil bhī milegī

agar 'azm-e-safar dil meñ javāñ haiñ

dilon mein yun to lakhon gham nihan hain

magar chehre hamare shadman hain

jahan chhoDa hai mujh ko rahbaron ne

wahan har kaam par tarikiyan hain

inhi se haal-e-dil paDh lo hamara

ki in aankhon ki bhi apni zaban hain

use mumkin nahin main bhul jaun

ki jis ka gham mere dil mein nihan hai

hamein badnam har su kar raha hai

agarche wo hamara raaz-dan hain

jise KHud se ziyaada chahta tha

wahi ek dost mujh se bad-guman hain

hamein 'rizwan' manzil bhi milegi

agar 'azm-e-safar dil mein jawan hain