دماغ کے کسی گوشے سے یاد تازہ کر

دماغ کے کسی گوشے سے یاد تازہ کر

فروغ ظلمت شب ہے ذرا اجالا کر

نکل کے قلزم ہستی سے دیکھ آئینہ

کبھی تو اپنی حجاباتیوں میں جھانکا کر

ہر ایک خوف حیات و ممات میں گم ہے

اے شب نگاہ طلوع سحر کو افشا کر

شکستہ پائیٔ قسمت کا رونا دھونا کیا

برائے نام ہی اے دوست تانا بانا کر

عجب نہیں کہ ترا خود سے سامنا ہو جائے

جو اس صدی کا تقاضا ہے اس کو پورا کر

ہر اک نظر ہے یہاں ظرف زما مختارؔ

قدم اٹھانے سے پہلے قدم کو تولا کر