din-bhar suraj aag ugalta rahta hai

din-bhar sūraj aag ugaltā rahtā hai

chāñd bhī apne kaam meñ uljhā rahtā hai

jaane mujh meñ kaun taḌaptā rahtā hai

maiñ jiitā huuñ par vo mārtā rahtā hai

darvāze pe kunDī laTkī rahtī hai

khiḌkī se vo aatā jaatā rahtā hai

ḳhāmoshī kī bhāshā ḳhuub samajhtā hai

maiñ to chup huuñ par vo suntā rahtā hai

mere saare bādal sūkhe sūkhe haiñ

phir bhī āñgan bhīgā bhīgā rahtā hai

us se mil kar ḳhud se bāteñ karnī hai

mujh meñ kaun ye mere jaisā rahtā hai

zehn ke saare taar ulajhne lagte haiñ

dil bhī aksar bikhrā bikhrā rahtā hai

duniyā-dārī us ke bas kī baat nahīñ

vo kone meñ likhtā paḌhtā rahtā hai

maiñ ghar meñ hī rahtā huuñ aksar apne

ik sannāTā bāhar pasrā rahtā hai

din-bhar suraj aag ugalta rahta hai

chand bhi apne kaam mein uljha rahta hai

jaane mujh mein kaun taDapta rahta hai

main jita hun par wo marta rahta hai

darwaze pe kunDi laTki rahti hai

khiDki se wo aata jata rahta hai

KHamoshi ki bhasha KHub samajhta hai

main to chup hun par wo sunta rahta hai

mere sare baadal sukhe sukhe hain

phir bhi aangan bhiga bhiga rahta hai

us se mil kar KHud se baaten karni hai

mujh mein kaun ye mere jaisa rahta hai

zehn ke sare tar ulajhne lagte hain

dil bhi aksar bikhra bikhra rahta hai

duniya-dari us ke bas ki baat nahin

wo kone mein likhta paDhta rahta hai

main ghar mein hi rahta hun aksar apne

ek sannaTa bahar pasra rahta hai