din fursaton ke chandni ki raat bech kar

din fursatoñ ke chāñdnī kī raat bech kar

ham kāmyāb ho ga.e jazbāt bech kar

ham ne bhī piile kar diye haiñ beTiyoñ ke haath

thoḌī bahut bachī thī jo auqāt bech kar

martī hai dhartī pyaas se ruñdhne lage gale

kuchh log mālā-māl haiñ barsāt bech kar

sochā hai ab ḳharīd leñ kuchh chāñd par zamīn

bhaa.ī kā hissa baap ke jazbāt bech kar

turra hai sar pe yā ki hai do-chār man kā bojh

rutba milā hai chain ke din raat bech kar

phūle nahīñ samā rahe muḳhbir chaman meñ aaj

gulshan kā raaz dushmanoñ ke haath bech kar

lagtā hai ahl-e-duniyā ko ab paanā hai 'salīl'

ohda ḳhudā kā aadmī kī zaat bech kar

din fursaton ke chandni ki raat bech kar

hum kaamyab ho gae jazbaat bech kar

hum ne bhi pile kar diye hain beTiyon ke hath

thoDi bahut bachi thi jo auqat bech kar

marti hai dharti pyas se rundhne lage gale

kuchh log mala-mal hain barsat bech kar

socha hai ab KHarid len kuchh chand par zamin

bhai ka hissa bap ke jazbaat bech kar

turra hai sar pe ya ki hai do-chaar man ka bojh

rutba mila hai chain ke din raat bech kar

phule nahin sama rahe muKHbir chaman mein aaj

gulshan ka raaz dushmanon ke hath bech kar

lagta hai ahl-e-duniya ko ab pana hai 'salil'

ohda KHuda ka aadmi ki zat bech kar