din hi miliyega ya shab aaiyega

din hī miliyegā yā shab ā.iyegā

banda-ḳhāna meñ phir kab ā.iyegā

lag chalī hī sī hai abhī to ḳhayāl

Dhab chaḌhegā to kuchh Dhabā.iyegā

ek bose pe diin o dil to liyā

aur kitnā mujhe dabā.iyegā

jā chuke ham jab aap se pyāre

kyuuñ na is raah se ab ā.iyegā

ham bhī mullā se kuchh kareñge shurūa

aap kis vaqt maktab ā.iyegā

kar le karnī jo hai ḳharīd-o-faroḳht

pher is paiñTh meñ kab ā.iyegā

ab to 'qā.em' hai kuuch hī kī salāh

yuuñ ghar apnā hai phir jab ā.iyegā

din hi miliyega ya shab aaiyega

banda-KHana mein phir kab aaiyega

lag chali hi si hai abhi to KHayal

Dhab chaDhega to kuchh Dhabaiyega

ek bose pe din o dil to liya

aur kitna mujhe dabaiyega

ja chuke hum jab aap se pyare

kyun na is rah se ab aaiyega

hum bhi mulla se kuchh karenge shurua

aap kis waqt maktab aaiyega

kar le karni jo hai KHarid-o-faroKHt

pher is painTh mein kab aaiyega

ab to 'qaem' hai kuch hi ki salah

yun ghar apna hai phir jab aaiyega