din ke paikar mein kahin raat mein Dhalte hue rang

din ke paikar meñ kahīñ raat meñ Dhalte hue rañg

jaane rukte haiñ kahāñ niiñd meñ chalte hue rañg

āḳhirī sham.a bujhāte hue apne ghar kī

maiñ dekhe the kisī taaq meñ jalte hue rañg

us parī-zād kī āñkhoñ meñ dikhā.ī deñge

ek hī pal meñ ka.ī rañg badalte hue rañg

sar uThāte haiñ mire Dūbte lahje meñ kahīñ

guftugū karte hue lafz ugalte hue rañg

sub.h-dam ghar se nikalnā hī agar paḌ jaa.e

niiñd se aañkh churātā huuñ masalte hue rañg

haar aayā huuñ kisī ā.ina-ḳhāne meñ unheñ

mere hamrāh nahīñ aaj uchhalte hue rañg

ik badaltī huī duniyā ke makīñ haiñ 'sājid'

ḳhaak par girte hue aur sambhalte hue rañg

din ke paikar mein kahin raat mein Dhalte hue rang

jaane rukte hain kahan nind mein chalte hue rang

aaKHiri shama bujhate hue apne ghar ki

main dekhe the kisi taq mein jalte hue rang

us pari-zad ki aankhon mein dikhai denge

ek hi pal mein kai rang badalte hue rang

sar uThate hain mere Dubte lahje mein kahin

guftugu karte hue lafz ugalte hue rang

subh-dam ghar se nikalna hi agar paD jae

nind se aankh churaata hun masalte hue rang

haar aaya hun kisi aaina-KHane mein unhen

mere hamrah nahin aaj uchhalte hue rang

ek badalti hui duniya ke makin hain 'sajid'

KHak par girte hue aur sambhalte hue rang