din ke sine mein hain KHanjar bhi utare maine

din ke siine meñ haiñ ḳhanjar bhī utāre maiñ ne

raat ko raat pe shab-ḳhūn bhī maare maiñ ne

terī yādoñ ne mujhe raat ko sone na diyā

aur sone na diye raat sitāre maiñ ne

ġhairoñ ke bas meñ nahīñ thā unheñ paspā karnā

ḳhud girā.e haiñ sabhī apne sahāre maiñ ne

fā.ede saare mohabbat ke kiye us kī nazr

apne hisse meñ rakhe saare ḳhasāre maiñ ne

ek muddat se kisī aur meñ khoyā huā huuñ

ḳhud ko dekhā na ḳhad-o-ḳhāl sañvāre maiñ ne

ek qatre meñ sameTā hai samundar to kabhī

haiñ shutur suuī ke naake se guzāre maiñ ne

us ko ik lafz bhī kahne kī zarūrat na paḌī

us kī āñkhoñ ke sabhī samjhe ishāre maiñ ne

maiñ ne zaa.e' nahīñ hone diyā tere ġham ko

is aziyyat se haiñ ash'ār sañvāre maiñ ne

din ke sine mein hain KHanjar bhi utare main ne

raat ko raat pe shab-KHun bhi mare main ne

teri yaadon ne mujhe raat ko sone na diya

aur sone na diye raat sitare main ne

ghairon ke bas mein nahin tha unhen paspa karna

KHud girae hain sabhi apne sahaare main ne

faede sare mohabbat ke kiye us ki nazr

apne hisse mein rakhe sare KHasare main ne

ek muddat se kisi aur mein khoya hua hun

KHud ko dekha na KHad-o-KHal sanware main ne

ek qatre mein sameTa hai samundar to kabhi

hain shutur sui ke nake se guzare main ne

us ko ek lafz bhi kahne ki zarurat na paDi

us ki aankhon ke sabhi samjhe ishaare main ne

main ne zae' nahin hone diya tere gham ko

is aziyyat se hain ash'ar sanware main ne