din ko kah den raat hum samjhe nahin

din ko kah deñ raat ham samjhe nahīñ

aap kī ye baat ham samjhe nahīñ

ham ki ik rehn-e-qafas bismil-nafas

āsmāñ haiñ saat ham samjhe nahīñ

kyā samajh meñ aa.e zāt-e-mā-sivā

mā-sivā-e-zāt ham samjhe nahīñ

ishq se baaz aate ham dīvāne kyā

thī samajh kī baat ham samjhe nahīñ

al-ġharaz hai ziist marhūn-e-ajal

ġhāyat-e-ġhāyāt ham samjhe nahīñ

baat sab kī baat se hai muḳhtalif

terī 'āmir' baat ham samjhe nahīñ

din ko kah den raat hum samjhe nahin

aap ki ye baat hum samjhe nahin

hum ki ek rehn-e-qafas bismil-nafas

aasman hain sat hum samjhe nahin

kya samajh mein aae zat-e-ma-siwa

ma-siwa-e-zat hum samjhe nahin

ishq se baz aate hum diwane kya

thi samajh ki baat hum samjhe nahin

al-gharaz hai zist marhun-e-ajal

ghayat-e-ghayat hum samjhe nahin

baat sab ki baat se hai muKHtalif

teri 'amir' baat hum samjhe nahin