din to ai dost kisi taur guzar jata hai

din to ai dost kisī taur guzar jaatā hai

shaam aatī hai to dil dard se bhar jaatā hai

har tarah se mujhe pahchān rahī hai duniyā

aib jaatā hai kahīñ merā hunar jaatā hai

sab bure log nahīñ is meñ bhale log bhī haiñ

jis ko duniyā meñ jo karnā hai vo kar jaatā hai

jab kisī vaqt nashe meñ ho tirā dīvāna

tere kūche meñ zarā der Thahar jaatā hai

zehn meñ jab kisī manzil kā tasavvur hī nahīñ

kis taraf mujh ko liye zauq-e-safar jaatā hai

shahr kī āb-o-havā meñ koī jiitā hai 'kañval'

aur koī dasht-e-junūñ meñ kahīñ mar jaatā hai

din to ai dost kisi taur guzar jata hai

sham aati hai to dil dard se bhar jata hai

har tarah se mujhe pahchan rahi hai duniya

aib jata hai kahin mera hunar jata hai

sab bure log nahin is mein bhale log bhi hain

jis ko duniya mein jo karna hai wo kar jata hai

jab kisi waqt nashe mein ho tera diwana

tere kuche mein zara der Thahar jata hai

zehn mein jab kisi manzil ka tasawwur hi nahin

kis taraf mujh ko liye zauq-e-safar jata hai

shahr ki aab-o-hawa mein koi jita hai 'kanwal'

aur koi dasht-e-junun mein kahin mar jata hai