dinner pe aaj koi us sa aashna bhi na tha

dinner pe aaj koī us sā āshnā bhī na thā

vo is se pahle agarche kahīñ milā bhī na thā

usī ne aaj batāyā mujhe ki kaun huuñ maiñ

vo jis ko aaj se pahle maiñ jāntā bhī na thā

kahāñ huuñ kyuuñ huuñ har ik saañs pūchhtī hai mujhe

kabhī maiñ apne savāloñ meñ yuuñ ghirā bhī na thā

kisī kī mez pe hī rah ga.ī na jaane kyuuñ

vo Diary ki abhī jis pe kuchh likhā bhī na thā

tamām shahr sadāoñ ke ik bhañvar meñ hai

mirā makān kabhī aise Doltā bhī na thā

mujhe na jaane vo siine se kyuuñ lagā.e phirā

maiñ koī gul bhī na thā mauja-e-havā bhī na thā

vo jis kī dhun meñ ham itvār ko bhī ghar na rahe

milā to apnī taraf 'shām' dekhtā bhī na thā

dinner pe aaj koi us sa aashna bhi na tha

wo is se pahle agarche kahin mila bhi na tha

usi ne aaj bataya mujhe ki kaun hun main

wo jis ko aaj se pahle main jaanta bhi na tha

kahan hun kyun hun har ek sans puchhti hai mujhe

kabhi main apne sawalon mein yun ghira bhi na tha

kisi ki mez pe hi rah gai na jaane kyun

wo Diary ki abhi jis pe kuchh likha bhi na tha

tamam shahr sadaon ke ek bhanwar mein hai

mera makan kabhi aise Dolta bhi na tha

mujhe na jaane wo sine se kyun lagae phira

main koi gul bhi na tha mauja-e-hawa bhi na tha

wo jis ki dhun mein hum itwar ko bhi ghar na rahe

mila to apni taraf 'sham' dekhta bhi na tha