دیا موقع نہیں خود کو نہ ان زخموں کو بھرنے کا

دیا موقع نہیں خود کو نہ ان زخموں کو بھرنے کا

ہنر آیا نہیں مجھ کو وفا کر کے بدلنے کا

نکل کر آنکھ سے یہ اشک جب دل تک پہنچتے ہیں

تبھی مطلب سمجھ آتا نمک زخموں پہ پڑنے کا

بڑی جلدی اتارا آج اس نے قبر میں مجھ کو

کیا کرتا تھا جو وعدہ ہمیشہ ساتھ چلنے کا

نیا کندھا وہ کھوجے گا شب ماتم گزرتے ہی

دکھاوا پھر کرے گا وہ محبت میں بکھرنے کا

گلابوں سے سجا ہوگا پرایا ہاتھ پھر کوئی

بھلا وہ کب تلک یوں غم کرے گا میرے مرنے کا