diye jalenge to phir raushni to hogi nan

diye jaleñge to phir raushnī to hogī naañ

class-fellow haiñ ham dostī to hogī naañ

nazar jhukā.e yūñhī paas se nahīñ guzrā

fareb-kār ko sharmindagī to hogī naañ

ye merā faiz nahīñ ḳhānvāde kā hai mizāj

so mere chāroñ taraf raushnī to hogī naañ

hamāre jeb-tarāshoñ ke husn-e-zan ko salām

ki zar huā na huā shā.irī to hogī naañ

kabhī jo āñkhoñ se karte the aaj kahnā paḌīñ

hamārī bātoñ meñ be-rabtagī to hogī naañ

parinde apne Thikānoñ pe uḌ ke jā chuke haiñ

hamāre nān-o-namak meñ kamī to hogī naañ

diye jalenge to phir raushni to hogi nan

class-fellow hain hum dosti to hogi nan

nazar jhukae yunhi pas se nahin guzra

fareb-kar ko sharmindagi to hogi nan

ye mera faiz nahin KHanwade ka hai mizaj

so mere chaaron taraf raushni to hogi nan

hamare jeb-tarashon ke husn-e-zan ko salam

ki zar hua na hua shairi to hogi nan

kabhi jo aankhon se karte the aaj kahna paDin

hamari baaton mein be-rabtagi to hogi nan

parinde apne Thikanon pe uD ke ja chuke hain

hamare nan-o-namak mein kami to hogi nan