do-chaar gam pas-e-rifaqat na kar sake

do-chār gaam pās-e-rifāqat na kar sake

ham phir bhī un se koī shikāyat na kar sake

kyā aise ham-safar pe bharosa kare koī

jo dil ko bhī sharīk-e-masāfat na kar sake

insāñ kā ehtirām thā itnā hameñ aziiz

ham apne dushmanoñ se bhī nafrat na kar sake

ham log to kuchh aise qadāmat-parast haiñ

paidā kisī bhī kaam meñ jiddat na kar sake

chunte ho aisā qāfila sālār kis liye

jo ahl-e-kārvāñ kī hifāzat na kar sake

ham aise hukmarān the be-iḳhtiyār se

is dil kī saltanat pe hukūmat na kar sake

nārāz ham se haiñ vo hamāre sukūt par

lab kholne kī ḳhud bhī jo himmat na kar sake

'shāhid' dayār-e-dil meñ añdherā hai chaar sū

raushan koī charāġh-e-mohabbat na kar sake

do-chaar gam pas-e-rifaqat na kar sake

hum phir bhi un se koi shikayat na kar sake

kya aise ham-safar pe bharosa kare koi

jo dil ko bhi sharik-e-masafat na kar sake

insan ka ehtiram tha itna hamein aziz

hum apne dushmanon se bhi nafrat na kar sake

hum log to kuchh aise qadamat-parast hain

paida kisi bhi kaam mein jiddat na kar sake

chunte ho aisa qafila salar kis liye

jo ahl-e-karwan ki hifazat na kar sake

hum aise hukmaran the be-iKHtiyar se

is dil ki saltanat pe hukumat na kar sake

naraaz hum se hain wo hamare sukut par

lab kholne ki KHud bhi jo himmat na kar sake

'shahid' dayar-e-dil mein andhera hai chaar su

raushan koi charagh-e-mohabbat na kar sake