do-jahan ko nigah-e-ijz se aksar dekha

do-jahāñ ko nigah-e-ijz se aksar dekhā

ham ne ummīd ko hirmāñ ke barābar dekhā

tāle.a-e-be-hunarī auj-e-falak par dekhā

jis jagah vahm na pahuñchā thā vahāñ sar dekhā

is bure vaqt meñ bhī laakh se achchhā huuñ maiñ

maiñ ne mā'shūq ke parda meñ muqaddar dekhā

kyā kahūñ qissa-e-dilchaspī-e-hāl-e-abtar

dostoñ ne mujhe aġhyār se baḌh kar dekhā

ai ajal ḳhuub batāyā vo qayāmat hogī

jis ke āġhosh meñ tū ne dil-e-muztar dekhā

bekasī-hā-e-tamannā ne sulāyā hai mujhe

phir na jāgūñgā agar ḳhvāb meñ mahshar dekhā

yaar jab parda-nashīñ hai to kahāñ kā parda

parda ye hai ki use parde se bāhar dekhā

paañv phailā.e haiñ bejā havas-e-duniyā ne

ham ne duniyā hī ko lipTā huā bistar dekhā

is khule zulm ne sab khol diye haiñ parde

ham ne dekhā tujhe sau baar sitamgar dekhā

Tapkā paḌtā hai rag-e-shauq se ḳhūn-e-hasrat

kyā 'vafā' dast-e-qazā meñ koī nashtar dekhā

do-jahan ko nigah-e-ijz se aksar dekha

hum ne ummid ko hirman ke barabar dekha

talea-e-be-hunari auj-e-falak par dekha

jis jagah wahm na pahuncha tha wahan sar dekha

is bure waqt mein bhi lakh se achchha hun main

main ne ma'shuq ke parda mein muqaddar dekha

kya kahun qissa-e-dilchaspi-e-haal-e-abtar

doston ne mujhe aghyar se baDh kar dekha

ai ajal KHub bataya wo qayamat hogi

jis ke aaghosh mein tu ne dil-e-muztar dekha

bekasi-ha-e-tamanna ne sulaya hai mujhe

phir na jagunga agar KHwab mein mahshar dekha

yar jab parda-nashin hai to kahan ka parda

parda ye hai ki use parde se bahar dekha

panw phailae hain beja hawas-e-duniya ne

hum ne duniya hi ko lipTa hua bistar dekha

is khule zulm ne sab khol diye hain parde

hum ne dekha tujhe sau bar sitamgar dekha

Tapka paDta hai rag-e-shauq se KHun-e-hasrat

kya 'wafa' dast-e-qaza mein koi nashtar dekha