دو قدم چلتا نہیں کوئی کسی کے واسطے

دو قدم چلتا نہیں کوئی کسی کے واسطے

وقت سے لڑتے رہے ہم زندگی کے واسطے

ساتھ مل پاتا نہیں ہر دم کگاروں کا انہیں

چھوڑنا پڑتا ہے لہروں کو ندی کے واسطے

چھوڑ کر سب کچھ یہاں وہ جائے گا تنہا مگر

آدمی کیا کچھ نہیں کرتا خوشی کے واسطے

چاہتے تھے جو ہمیں وہ مل نہ پایا آج تک

لکھ رہے ہیں داستان غم صدی کے واسطے

دیکھتے ہیں چاند تارے لوگ ان کی کیا خطا

چاہتا ہے کون جینا مفلسی کے واسطے

سر جھکانے کی جنہیں عادت پڑی ہے بے سبب

کھوج لیتے ہیں طریقہ بندگی کے واسطے