do qadam chaltā nahīñ koī kisī ke vāste
vaqt se laḌte rahe ham zindagī ke vāste
saath mil paatā nahīñ har dam kagāroñ kā unheñ
chhoḌnā paḌtā hai lahroñ ko nadī ke vāste
chhoḌ kar sab kuchh yahāñ vo jā.egā tanhā magar
aadmī kyā kuchh nahīñ kartā ḳhushī ke vāste
chāhte the jo hameñ vo mil na paayā aaj tak
likh rahe haiñ dāstān-e-ġham sadī ke vāste
dekhte haiñ chāñd-tāre log un kī kyā ḳhatā
chāhtā hai kaun jiinā muflisī ke vāste
sar jhukāne kī jinheñ 'ādat paḌī hai be-sabab
khoj lete haiñ tarīqa bandagī ke vāste
do qadam chalta nahin koi kisi ke waste
waqt se laDte rahe hum zindagi ke waste
sath mil pata nahin har dam kagaron ka unhen
chhoDna paDta hai lahron ko nadi ke waste
chhoD kar sab kuchh yahan wo jaega tanha magar
aadmi kya kuchh nahin karta KHushi ke waste
chahte the jo hamein wo mil na paya aaj tak
likh rahe hain dastan-e-gham sadi ke waste
dekhte hain chand-tare log un ki kya KHata
chahta hai kaun jina muflisi ke waste
sar jhukane ki jinhen 'adat paDi hai be-sabab
khoj lete hain tariqa bandagi ke waste
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
