dosh-e-saba pe kya koi paigham aa gaya

dosh-e-sabā pe kyā koī paiġhām aa gayā

kyā māhtāb aaj sar-e-shām aa gayā

har shāḳh-e-gul lachaktī hai gulshan kī āj-kal

har phuul kī zabāñ pe tirā naam aa gayā

khilte rahe haiñ phuul har ik shāḳh-e-gul ke aaj

shāyad chaman meñ aaj vo gulfām aa gayā

kaisī mahak hai aaj har ik sū basī huī

kyā bāġhbāñ vo aaj sar-e-'ām aa gayā

kaise chhupāte 'aks jo āñkhoñ meñ thā tirā

sar ko jhukā.e rakhnā mire kaam aa gayā

jis se basā huā hai mirā gulshan-e-hayāt

do-gām jī chalā thā ki nākām aa gayā

aTkheliyāñ hai kartī gulistāñ meñ kyoñ sabā

us kī isī adā pe hī ilzām aa gayā

dosh-e-saba pe kya koi paigham aa gaya

kya mahtab aaj sar-e-sham aa gaya

har shaKH-e-gul lachakti hai gulshan ki aaj-kal

har phul ki zaban pe tera nam aa gaya

khilte rahe hain phul har ek shaKH-e-gul ke aaj

shayad chaman mein aaj wo gulfam aa gaya

kaisi mahak hai aaj har ek su basi hui

kya baghban wo aaj sar-e-'am aa gaya

kaise chhupate 'aks jo aankhon mein tha tera

sar ko jhukae rakhna mere kaam aa gaya

jis se basa hua hai mera gulshan-e-hayat

do-gam ji chala tha ki nakaam aa gaya

aTkheliyan hai karti gulistan mein kyon saba

us ki isi ada pe hi ilzam aa gaya